بخش افغانستان سازمان جهانی بهداشت، اعلام کرده که در جنوری سال روان از ۱۳۱ مرکز درمانی در۲۰ ولایت افغانستان پشتیبانی کرده است.
این نهاد، امروز در گزارشی در وبسایت خود، نوشته که در جنوری نُه شفاخانه را در هفت ولایت افغانستان نیز توسعه داده است.
بخش افغانستان سازمان جهانی بهداشت، افزوده که در ماه نخست سال روان میلادی از ۱۲ مرکز درمانی ویژه‌ی ترک اعتیاد در ۱۲ ولایت پشتیبانی و با شش سازمان غیردولتی برای ارائه‌ی خدمات درمانی به شهروندان افغانستان هم‌کاری کرده است.