د کندز ولایت د بدني روزنې او ورزش ریاست اړوند د امام صاحب ولسوالۍ ورزشي مدیریت او فوټبال فدراسیون استازولۍ له لوري په امام صاحب ولسوالۍ کې ” لیګ شهرک باسوس” ترعنوان لاندې د ١۰ لوبډلو ترمنځ د فوټبال سیالۍ پیل شوې.
د یادو سیالیو لومړۍ لوبه د صیاد قرول او طوران سرحدي لوبډلو ترمنځ ترسره شوه، چې په پایله کې یې صیاد قرول لوبډلې د ۲/۰ ګولونو په توپیر خپلې سیالې لوبډلې ته ماتې ورکړه او د سیالیو لومړۍ بریا یې په خپل نوم ثبت کړه.
دا سیالۍ فوټبال لوبې ته د ودې ورکولو او غوره لوبډلې ټاکلو په موخه پیل شوي دي، چې ۲۵ ورځې به دوام وکړي.