د افغانستان کرکټ ملي لوبډلې لوبغاړی رحمن الله ګربز د سویلي افریقا په شل اوریز کرکټ لیګ کې له پریټوریا کپیټلز لوبډلې سره یوځای شوی دی.
دا لومړی ځل دی، چې ګربز د سویلي افریقا د ۲۰ اوریز لیګ له یوې لوبډلې سره یوځای کیږي.
پریټوریا کیپیټلز په دې وروستیو کې د افغانستان کرکټ ملي لوبډلې مشر روزونکي جاناتن ټراټ د خپل روزونکي په توګه اعلان کړی دی.
ګربز د سږ کال په شل اوریز نړیوال جام کې ۲۸۱ منډې وکړې، چې په دې سیالیو کې د یوه لوبغاړي تر ټولو ډېرې منډې وې.
