د مالیې وزارت د خبرپاڼې له مخې؛ د تورخم ګمرک کارکوونکیو په یوه وارداتي سوداګریزه ټولګه کي یو شمېر جعلي نکاح خطونه او د موټر چلولو لایسنسونه نیولي دي.
په یاده خبرپاڼه کې راغلي؛ په نیول شویو جعلي سندونو کي ۲۰۲ جلده جعلي نکاح خطونه، د موټر چلولو ۴ جلده کورني او ۴ جلده بهرني جعلي لایسنسونه او ۵۶ عدده کورني بېلابېل نښانونه شته، چي په پټه له پاکستان څخه افغانستان ته راوړل کېدل.
ویل کیږي، چي اوسمهال د هېواد په ټولو ګمرکونو کي له قاچاقي او ممنوعه توکو څخه په کلکه څارنه کېږي او هیچاته اجازه نهورکول کېږي، چي یاد توکي صادر او یا وارید کړي.
