اسټراليا لومړۍ شل اووره لوبه کې انګلستان مات کړ
د اسټرالیا کرېکټ ملي لوبډلې د شل اووره سياليو د لوبلړۍ په لومړۍ سيالي کې انګلستان ته ماته ورکړه.
ياده لوبلړۍ چې د انګلستان په کوربه توب روانه ده، لومړۍ سيالي کې يې، اسټراليا په ۲۸ منډو بريا خپله کړه.
اسټراليا دې لوبه کې د ټراوېز هېډ د ۵۹ منډو پر مټ د ټولو لوبغاړو په سوځېدو سره ۱۷۹ منډې جوړې کړې.
انګلستان بيا د ټولو لوبغاړو په سوځېدو سره يوازې ۱۵۱ منډې وکړې.