خوست کې له ۱۳ کلونو د کم عمر لرونکو لوبغاړو سیالۍ پیل شوې
د خوست ولایت کرکټ امریت له لورې نن له ۱۳ کلونو د کم عمر لرونکو لوبغاړو ترمنځ د کرکټ ۳۰ اوریزې سیالۍ پیل شوې.
یادو سیالیو کې د خوست ولایت له نږدې ۲۰۰ کم عمره لوبغاړو ۱۲ لوبډلې جوړې شوې چې ترمنځ به یې یادې لوبې یوه اونۍ دوام وکړي.
له دغه سیالیو موخه په یاد ولایت کې د کرکټ لا ډېره پراختیا، کرکټ ته د لوبغاړو هڅونه او له ۱۶ کلونو د کم عمره لوبغاړو سیالیو ته د غوره لوبغاړو موندنه ده.