ثمرقند لوبډلې د جوزجان ولایت کلبونو په کچه سیالیو اتلولي خپله کړه
څه موده وړاندې د افغانستان کورني کرېکټ پرمختګ څانګې له لوري په جوزجان ولایت کې د ۶ رسمي کلبونو ترمنځ ۵۰ اوریزې کرېکټ سیالۍ پیل شوې وې، چې پایله کې د ثمرقند کلب په اتلولۍ پای ته ورسېدې.
د دې سیالیو پایلوبه کې ثمرقند کلب او ساپي ورونه لوبډلې مخامخ شوې، چې ثمرقند پکې سیالې لوبډلې ته په یوه په زړه پورې سیالۍ کې ماته ورکړه او د دې سیالیو اتلولي یې په خپل نوم کړه.
نصرالله ترکمن په ۴۱۳ منډو د دې سیالیو غوره توپوهونکی او قریب الله خان په ۱۴ ویکټو غوره توپاچونکی ونومول شول.
