افغانستان په لومړي ځل سوېلي افريقا ته ماته ورکړه
د افغانستان کرېکټ ملي لوبډلې په لومړي ځل په يو ورځنيو نړيوالو لوبو کې سوېلي افريقا کرېکټ ملي لوبډلې ته ماته ورکړه.
افغانستان په دې بريا سره د درېوو يو ورځنيو سياليو لوبلړۍ کې ۱_۰ مخکې دی.
سوېلي افريقا لوبډلې دغه لوبه کې افغانستان ته د ۱۰۷ منډو هدف ورکړی و چې افغانستان د څلور لوبغاړو په سوځېدو ترلاسه کړ.
ګلبدين نايب تر ټولو ډېرې ناسوځېدلې ۳۴ منډې جوړې کړې.