د بغلان ولایت د خوست ولسوالۍ اړوند په «کوتل سچي» سیمه کې د یوې ترافیکي پېښې له امله شپږ کسان مړه او درې نور ټپیان شوي دي.
دا پېښه په یاده سیمه کې د یو فیلډر موټر د چپهکېدو په پایله کې شوې او مړوشویو کې درې ښځې هم شاملې دي.
ویل کېږي چې د پېښې ټپیان د خوست ولسوالۍ مرکزي روغتون ته وړل شوي دي.
تر اوسه د دې پېښې د لامل په اړه څه نه دي ویل شوي، خو تر دې وړاندې په هېواد کې د ترافیکي پېښو ستر لاملونه د چلوونکو بېاحتیاطي، ګړندی تګ، خرابې لارې او د ترافیکي اصولو نهمراعاتول بلل کېږي.