د بدخشان د کرنې، اوبولګولو او مالدارۍ ریاست مسوولین وایي، چې د دې ولایت په ۱۴ ولسوالیو کې د مالدارانو د ژوند د ښه کولو لپاره د څه باندې ۵۶۸ زره امریکایي ډالرو په لګښت یوه پراختیايي پروژه پیل شوې ده.
د مسوولینو په وینا، دا پروژه د اروپایي ټولنې په مالي ملاتړ پلي کېږي او موخه یې د مالدارانو د اقتصادي وضعیت ښه کول، د حیواني محصولاتو زیاتوالی او د مالدارۍ سکتور پیاوړتیا ده.
هغوی زیاتوي، چې د دې پروژې له لارې به مالدارانو ته لازمې اسانتیاوې برابرې شي، د څارویو د ساتنې او روزنې په برخه کې به تخنیکي ملاتړ ورکړل شي او د هغوی د عوایدو د لوړولو لپاره به عملي ګامونه واخیستل شي.
تمه ده، چې د دې پروژې په پلي کېدو سره به نه یوازې د کلیوالو خلکو د ژوند کچه لوړه شي، بلکې د سیمې اقتصادي وضعیت ته به هم مثبت بدلون ور په برخه شي.
#بدخشان #مالداري #کرنه #پراختیا #اروپایي_ټولنه #افغانستان #کلیوالي_پراختیا #اقتصادي_ودې #حیواني_محصولات #بزګري #مرستې #پرمختګ #سیمهییزه_پراختیا #خبرونه