د کندهار پولیسو ويلي، چې چاودنه د ولایت د امنیه قومندانۍ له مخدره توکو سره د مبارزې څانګې پورې اړوند د زړو مهماتو له کبله رامنځته شوې ده.
د کندهار د پولیسو ویاند اسدالله جمشید په ایکس پاڼه کې لیکلي، چې دا پېښه نن سهار (پنجشنبه) رامنځته او څو ساتونکي یې ټپیان کړل.
هغه زیاته کړې، چې له پېښې وروسته د مهماتو دې کانټینر ته نږدې د څو خونو کړکۍ هم ماتې شوې دي.
د نوموړي د څرګندونو له مخې؛ امنيتي ځواکونه او د اور وژنې کارکوونکي د پېښې ځای ته رسېدلي او د نورو چاودېدونکو توکو د چاودنې مخه يې ونيوله.
