په ننګرهار کې د ګنیو حاصلات او د ګوړې د تولید کچه د پخوا په پرتله زیاته شوې ده. د ننګرهار د کرنې، اوبو لګولو او مالدارۍ ریاست مسوولین وايي، سږ کال په دغه ولایت کې د ۱۴۳زره۸۵۰ ټنه ګنیو له حاصلاتو څخه به د راتلونکې کرکېلې او شربت ترڅنګ ۹زره او ۲۰۰ ټنه ګوړه ترلاسه شي. د دغه ولایت په کامې، بهسود، کوز کونړ، ګوشتې، لعلپورې او بټي کوټ ولسوالیو کې، ګني کرل شوي، چې تر ټولو زیاته کرکېله او ګاڼۍ یې په کامې ولسوالۍ کې دي.
