د کندز ولایت د امنیه قوماندانۍ مسوولین وایي، چې د روانې اونۍ په جریان کې یې شپږ تنه د بېلابېلو جنایي جرمونو په تړاو د کندز ښار له بېلابېلو سیمو نیولي دي.
د یادې قوماندانۍ د معلوماتو له مخې، د نیول شویو کسانو له ډلې څلور تنه د غلا په تور او دوه نور د نشهيي تابلیتونو د قاچاق او پلور په تړاو نیول شوي دي.
مسوولین زیاتوي، چې نیول شوي مظنونین تر لومړنیو تحقیقاتو وروسته عدلي او قضايي ارګانونو ته سپارل کېږي، څو قانوني چلند ورسره وشي.
د کندز امنیه قومانداني ډاډ ورکوي چې د قانون د تطبیق، د جرمونو د مخنیوي او ښاري امنیت د خوندي ساتلو لپاره هڅې دوام لري.